BNFM News Desk
KABANKALAN CITY, Negros Occidental — Gin-atake sang duwa ka wala pa makilal-an nga persona ang isa ka engineer kag mayoral aspirant sa syudad sang Himamaylan, pasado las-8 sang aga, Oktubre 8, paagi sa pag sabnit sang certificate of candidacy (COC) sini.
Ang biktima ang ginkilala kay Vicente Genova, 55-anyos ang edad, kag residente sang Sitio Proper, Barangay Mambagaton, sa nasambit nga syudad.
Natabo ang pagpang-atake kay Genova, mismo sa sulod sang parameter sang Commission on Elections (COMELEC) sa syudad.
Suno sa report sang kapulisan, ang isa sa mga suspek ang nagasuk-suk sa itom nga kalo, maong nga delargo, naka sweat shirt, kag belt bag. Samtang, ang isa naman ang ang nakasuksok man sang itom nga kalo, maong nga delargo, itom nga bayo, kag naka sling bag.
Matapos nahibaluan sang duwa ka suspetsado nga na-video ang ila pagpang-atake sa engineer, gilayon ini nga nagdalagan kag nagpalagyo.
Madumduman nga si Genova ang anay city engineer sang syudad kag naka-agi man luthang sa iya balay sa Barangay 9 sa syudad sang Kabankalan City, sang Nobyembre 24, 2022. -BNFM Kabankalan
