Tiniyak ni bagong Interior Sec. Jonvic Remulla na magta-trabaho ito nang maayos.
Dinepensahan niya ang mga bumabatikos sa pagkakaroon ng dalawang Remulla sa Gabinete, kasama ang kaniyang kapatid na si Justice Sec. Boying.
Aniya, hindi naman daw ito usapin ng pagiging magkapamilya nila, kun’di, usapin ng competency, at kakayahan nilang makapaglingkod.
Nang matanong naman kung ano ang kaniyang magiging programa, sinabi nitong isa sa uunahin nilang ipasasara ay ang POGO hub sa kaniyang area of responsibility noon sa Island Cove sa Cavite.
Muli naman niyang nilinaw na hindi ito sa kanila.
