NAGPOSITIBO sa COVID-19 ang mayor sa Alabel, Sarangani province nga si Mayor Vic Paul Salarda.
Kini ang gikumpirma sa nahisgutan human migawas ang resulta sa iyahang RT-PCR test.
Segun ni Salarda nga una siya nga naapil sa contact tracing human magpositibo sa COVID-19 ang usa sa iyahang mga bisita niadtong May 3 gikan sa usa ka foundation.
Kasamtangan kining gipailalom sa isolation center sa Alabel samtang balik normal na ang trabaho sa munisipyo human ang gihimong disentection.
Hinuon gibutyag nga walay angayang kabalak-an tungod maayo ang ilang kahimtang sa iyang asawa.
Nasayran nga lakip ang iyang asawa ug mga konsehal sa Alabel ang direct contact ni Mayor Salarda.
Gipailalom na usab sa quarantine ang mga close contact sa mayor ug gipa-swab test aron masayran ang resulta.
