Nagpasalamat si Mayor Ronnie Dadivas sa Sangguniang Panlungsod sa pagpasar sang resolusyon nga gin-author ni City Councilor/Ex-officio Board Member Atty. Paul Baticados.
Kadungan sini, nagpabutyag man ini sang pagpanginbulahan kag komendasyon matapos nga mangin Top 2 sa Western Visayas City Mayors Performance Survey sang RP-Mission and Development Foundation, Inc.
Suno kay Dadivas ang iya naabot nga kadalag-an ang bangud sa bulig kag suporta sang iya mga kaupdanan sa City Government ilabi na kay Vice Mayor Inday Teresa Almalbis nga nagaupod sa iya tinutuyo para sa kaayuhan sang syudad kag pumoluyo.
