LEGAZPI CITY – Nagin enot na mga benepisyaryo sa minapuon pa sanang Serbisyo Caravan sa Guinobatan, Albay an mga residenteng pig-ebakwar sa sa Brgy. Mauraro huli sa pag-alburoto kan Bulkan Mayon.
Isinagibo ini sa manlaen-laeng parte kan banwaan kun sain parte kan programa an libreng serbisyo medikal, dental, agricultural, legal asin pyscho-social.
Pinangenotan ni Mayor Paul Chino Garcia an pagbubukas kan programa kaibahan an mga personahes na mahatod kan mga serbisyo.
Segun sa alkalde, madurar an programa nin anom na aldaw.
Magigirumdumang enot niya nang pigsabi na ini an saindang ginibong pamalit makalihis na makansela an selebrasyon kan Longganisa Festival sa banwaan.
