Patay ro sangka matag-as nga opisyal it Southern Front Committee it Komiteng Rehiyon Panay it Communist Party of the Philippines-New People’s Army (CPP-NPA), sa sangka engkwentru sa tunga it 61st Infantry Battalion (61IB), Philippine Army ag ku rebeldeng grupo sa boundary it Barangay Cananaman, Leon, ag Barangay Ayubo, Tubungan, Iloilo ku Agosto 13, 2023.
Sa report it Leon Municipal Police Station ginkilaea ro namatay nga opisyal nga si Rebecca Aliparo alias “Mara”, 56 anyos, residente it Barangay Bagacay, Tigbauan, Iloilo.
Nasayuran nga dating aktibista si Rebecca samtang raya hay nagatuon sa kolehiyo ag mabuhay eon nga owa nagauli sa anang pamilya.
Positibo man nga ginkilaea si Rebecca bilang political instructor ag finance officer it Southern Front Committee it Komiteng Rehiyon Panay (CPP-NPA).
Samtang, owa man it naireport nga namatay sa hanay it gobyerno samtang nakakumpiska ro mga otoridad sa encounter site it sangka .45-caliber pistol, mga assorted medicine, daywa ka civilian backpack ag mga personal nga kagamitan. // ANN DESLENE SALAZAR
