-Reymund Titong
KABANKALAN CITY, Negro Occidental — Lapnagon nga pag-spray ukon ‘mass spraying’ sa ektaryas nga talamnan nga gina-ataki sang armyworms sa Quinto Distrito, nagapadayon kaupod ang pipila ka ahensya sang gobyerno.
Base sa rekord nga gin-paguwa sang Office of Provincial Agriculturist (OPA), naglab-ot na sa 178.14 ka ektaryas sang katubuhan kag kamaisan sa syudad sang Himamaylan ang apektado as of June 20, 2024.
Gin-ataki man sang armyworms ukon tagustos ang 22 ektaryas nga kamaisan sa Isabela, 18 ektaryas sa Binalbagan, kag 25 ektaryas Naman sa banwa sang Moises Padilla.
May mga nasiplatan man nga tagustos nga naga-ataki sa syudad sang Kabankalan kag banwa sang Ilog.
May napain naman nga P3 million pesos ang gobyerno probinsyal agud e-bakal sang bulong nga gamiton sa padayon nga massive spraying.
Samtang, pahayag ni 5th district representative Dino Yulo, dapat ang madasig nga aksyon sa pagtapna sang peste bangud madasig ini mag damo, kag padayon ini may nagakabaton nga report nga pagpang-ataki sang armyworms.*
