Base sa simultaneous focused police operations nga Birada Semana sa probinsya it Iloilo, ginpakita Iloilo Provincial Office ro agresibong pagkampanya it mga pulis laban sa tanan nga mga kriminalidad.
Sa datos it IPPO umpisa ku Marso 4 asta 10, 2024, umabot eon sa masobra nga P3 million ro halaga it shabu nga naimkumpiska it mga kapulisan sa 20 nanda nga operasyon nga kung sa siin hai 26 ro mga drug personalities nga gin aresto.
Sa kampanya it mga wanted persons, 45 ro naaresto it mga kapulisan ag sa kampanya man kontra sa iligal nga armas, 6 nga mga indibidwal ro naaresto ag 5 nga mga armas ro nakumpiska sa an-om nga operasyon.
Masobra sa 3.7 million pesos ro gina taya ro nabueo sa iligal nga sugal halin sa 24 nga mga indibidwal.
Dugang kara 19 nga mga mangingisda ro arestado ag 2 nga mga fishing vessels ro nakumpiska bangud sa iligal nga pangingisda.
Ro malawakang pagkampanya kontra kriminalidad it IPPO hai pagsunod eamang sa direktiba ni Police Regional Office 6 Director Jack Wanky nga ginatutukan ag igapundo ro tanan nga mga iligal nga aktibidad sa rehiyon. //MERIAM LUMBRES AGDIPA
