ILOILO – Kapin sa masobra sang milyong pisong balor it illegal nga droga ro narekober sa ginkasa nga drug buy bust operation sa Sitio Ubos, Barangay Igcocolo Guimbal, Iloilo ku Abril 6, 2024.
Ro nasambit nga operasyon hay madinaeag-on nga ginpatigayun it gintingob nga pwersa it Iloilo Provincial Police Office – Provincial Drug Enforcement Unit (IPPO-PDEU) ag Guimbal Municipal Police Station.
Ginkilaea ro mga suspek nga sanday alyas “Kirk”, 34-anyos, taga Sitio Ubos, Barangay Igcocolo, Guimbal, Iloilo, ag ginakabig nga sangka High Value Individual; si alyas”George”, 54-anyos, si alyas “Rynn”, 29-anyos, ag alyas “Third”, 22-anyos, ag residente sa nasambit nga lugar.
Base sa Guimbal MPS narekober sa mga arestado ro sangka (1) transparent plastic sachet (buy-bust item), 11 sachets it transparent plastic sachets ag sangka pack it suspected shabu nga may timbang nga mas o menos sa 150 grams ag nagabalor it P1,020,000.
Narekober man sa suspek ro P20,000 nga ginamit nga buy bust money kaibahan eon ro mark money, sangka digital weighing scale, scissor, one rolled aluminum foil, cellular phone, pouches ag Strips Aluminum foil.
Nadakpan ro mga suspek matapos nga magbaligya it sangka sachet it ginadudahan nga shabu sa nagpakuno-kuno nga police poseur-buyer kabaylo it P20,000.
Gindayaw ni PBGEN JACK L WANKY, RD, PRO6, ro kapulisan it Iloilo PPO sa madinaeag on nga operasyon kontra sa Illegal nga droga sa Rehiyon agud suportahan ro program it gobyerno it BIDA program para sa ginahandum nga drug free Western Visayas. // ANN DESLENE SALAZAR