Base sa datos it Department of Health (DOH), may 12,782 ka mga residente it Western Visayas ro gintamaan gihapon it COVID-19 infection bisan bakunado eun sanda it first dose it COVID-19 vaccine.
Halin Setyembre 28 may 5,393 ka mga COVID-19 positive individuals ro nabakunahan eun it andang first dose it bakuna.
Base sa data it DOH, 7,389 ro mga fully vaccinated individuals sa Region 6 nga gintamaan it COVID-19 – 3,181 dikara hay asymptomatic; 4,081 ro mild cases; 95 ro moderate; 26 man ro severe; ag 6 ro sa critical state.
Sa nasambitan nga numero, 2,610 dikara hay asymptomatic; 2,595 ro nakabatyag it mild symptoms; 149 man ro moderate cases; 43 ro severe; ag 5 ro sa critical state.
Gintaw-an man it bug-atni Dr. Jocelyn Te, spokesperson it DOH-6 nga kaabuan sa mga gintamaan it virus nga mga bakunadong indibidwal hay asymptomatic o may mild symptoms eamang nga nabatyagan./JIL B. LACSON
