Target umano ng administrasyong Marcos na makapag-issue ng mas marami pang National ID’s hanggang sa katapusan ng taong 2022.
Sa isang panayam, sinabi ni incoming Socioeconomic Planning Secretary at National Economic and Development Authority chief Arsenio Balisacan na plano nilang mailabas ang mga Nationals ID’s sa physical form o di kaya nama’y electronic form bago matapos ang taon.
Sa katunayan aniya ay target ng incoming administration na maibigay sa 92 million na mga Pilipino ang kanilang mga National ID’s.
Bukod naman sa Philippine Statistics Authority, nakikipag-ugnayan na rin aniya ang bagong administrasyon sa Bangko Sentral ng Pilipinas para sa pag-release ng ID’s.
Base sa huling tala ng PSA, as of April 30, 2022, nasa mahigit sampung milyong ID cards na ang nai-deliver sa buong bansa.(CLAY MARQUEZ)
#
