LEGAZPI CITY – Nakatalaan na isagibo sa probinsya kan Albay an mablain-laing training na mabenipisyo sa livestock sector na pangengenotan kan Provincial Veterinary Office ngunyan na bulan kan Nobyembre.
Ini an Swine Healthcare Management Training na nagpoon kasuhapon asin nakatalaan matapos ngunyan sa Biyernes sa Farmers Bounty Village sa banwaan kan Camalig.
Kaibahan sa mga piglalaoman na mapartisipar an mga paraoma, mga hale sa livestock sector kun sain papartisiparan man ini kan mga personahe hale sa manlain-laing ahensya kan gobyerno.
Sa maabot na Nobyembre 14-17, nakatalaan man na magsagibo an Dairy Cattle Management asin Native Chicken Productio.
Sa Nobyembre 21-24, isasagibo man an Product Development Training sa probinsya.
Kaibahan na digdi an training ngunyan na semana para sa Swine Healthcare Management kun sain nagmamawot ining maasigurar an productivity asin salud kan mga alagang orig sa bilog na probinsya.
