LEGAZPI CITY – Nagpapadagos an manlain-lain na sports activities sa Private Schools Athletic Association 2024 na presenteng pigsasagibo sa siyudad kanLegazpi dawa igwa ki namamateang maraot na panahon.
Kasuhapon, narungkab asin pinalid an mga tent sa Bicol University Oval mantang presenteng nagsasagibo nin football competition huli sa pagkusog nin duros na may kasabay na uran. Huli kaini, papurupondo an kawat sa pagsirong asin pagbalik kan mga technical officials asin mga players.
Dawa man nakakamate nin siring na panahon, padagos an karawat sa lado kan volleyball, basketball, asin beach volleyball games kun sain dai man nagpatinag an mga payers ka ini asin padagos an pagkawat dawa pa dugi na an saindang playing area kawsa kan pag-uuran.
