Wala na sang kabuhi sang nasapwan ang isa ka mangunguma sa pangpang sang suba sa Sitio Gutusan, Barangay Candelaria, Tapaz, Capiz.
Ginkilala ang biktima kay Severino Farillon, 67 anyos, residente sang Sitio Pasay-an sa nasambit nga barangay.
Sandig sa inisyal nga imbestigasyon sang Tapaz Municipal Police Station, nasapwan nalang sang isa ka menor de edad ang biktima nga nagakayaon sa pangpang suba kag wala na gaginhawa.
Katapusan nga nakit-an ang biktima nga nagasakay sa iya karabaw kag ginapatihan nga nahulog ini. Sa karon, gindala na ang bangkay sang biktima sa isa ka punerarya sa nasambit nga banwa. | Judy Ann Juare
