Tatlong araw nang hindi nakakauwi ang mangingisdang si Ronnie Conde Rosales, 49-anyos ng Barangay Poblacion, Araceli, Palawan.
Ito ay pumalaot umano nitong ika-29 ng Enero at inaasahang babalik agad ngunit hanggang ngayon ay hindi pa ito nakakauwi, ayon sa kaanak.
Ang pamilya ay nag-aalala dahil mag-isa lamang ito umano at may kalakasan pa ang hangin nang pumalaot ito.
Samantala, nagtutulungan na ang Municipal Disaster Risk Reduction Management Council at Philippine Coast Guard sa paghahanap rito.
