KALIBO, AKLAN—Nagpaguwa it advisory si Aklan Governor Florencio Miraflores agud nga maiduso do hugot nga pagpatuman it heightened restrictions sa Executive Order # 005-D Series of 2021 ag kaibahan kara do kadugangang protocols ag guidelines nga gin-aprubahan it Provincial IATF.
Sandig sa nasambit nga advisory, mandatory eon ukon sapilitan do pagsuksok it facemask ag face shield sa mga residente kung magaguwa it baeay ag limitado do hueag it mga tawo ag do ginapasugtan eamang hay do mga essential travelers.
Bawae sa gihapon nga magguwa do edad 18 anyos panaba, 65 anyos pataas, mga nabdos ag may mga may baeati-an mag-eowas eamang kung may importanteng kinahangeanon kapareho it medical services ukon nagaagto sa trababo.
Do mga estudyante nga owa pa it 18 anyos hay puwedeng makaguwa kung do mga raya hay magapa-enroll apang nakadepende gihapon raya sa igapatuman nga regulasyon it tagsa ka mga LGU.
Kinahangean man nga magbuoe it travel pass nga pirmado it andang alkalde do nagaadto sa ibang banwa mag-eowas eamang kung do mga raya hay Authorized Person Outside Residence (APOR).
Samtang, hugot sa gihapon nga ginabawae do mass gathering ag do pagbukas it mga salon ag barbershop. // SHERRY ANNE REUNIR-VIDAL
