PATAY ang usa ka mananagat human kini naligsan sa sakyanan sa Highway, Barrio site, Barangay Poblacion, Maasim, Sarangani Province. Giila ni Police Major Herman Luna, hepe sa Maasim Municipal Police Station ang namatay nga si Alvin Mejares, 23-anyos, nagpuyo sa lugar.
Sa imbestigasyon nga naa sa impluwensiya sa ilimnong makahubog si Mejares didto na kini nakatulog tunga sa dalan.
Gisuta karon sa kapulisan kung kinsa ang tag-iya sa sakyanan nga nakaligis patay kang Mejares. Dugang ni Luna, nangita sila og kopya sa CCTV camera nga posibleng nakuhaan ang maong panghitabo.
Apan base sa mga nakakita, butyag ni Luna nga 4 wheelers nga sakyanan ang nakaligis patay kang Mejares. Ang maong sakyanan ang padulong sa GenSan, dihang nahitabo ang insidente. I Richel Gubalani
