GIMANDU na sa labaw sa kapulisan sa GenSan ang pagpalawom sa imbestigasyon sa pagpusil patay sa babayeng senior citizen.
Matud ni Police Col. Nicomedes Olaivar Jr., director sa GenSan City Police Office (GSCPO) gimandu niini ang pagsuta sa motibo sa krimen. Apan giangkon sa opisyal nga sa paunang imbestigasyon, migula nga personal nga bangi ang motibo sa pagpatay kang Rosario Mangaser Guerra, 77-anyos, dalaga ug retired Certified Public Accountant (CPA).
Gikuha na usab sa kapulisan ang mga posibleng kuha sa CCTV camera atol sa maong krimen. Si Guerra ang gipusil sa usa ka subdivision sa Barangay San Isidro, GenSan, Biyernes sa hapon. I Richel Gubalani
