Arestado ang isa ka mamumugon matapos ginserbehan sang Search Warrant sang mga kapulisan sa iya puluy-an sa Brgy. Pina, Maayon, Capiz takna alas 5:30 kahapon sang Biyernes.
Ginkilala ang naaresto kay Rolly Villanueva Dumolong, 50-anyos, residente sang nasambit nga lugar.
Narekober sa paghinakop ni Dumolong ang isa ka unit sang 12-gauge homemade shotgun “Pugakhang”, isa ka fired shotgun shot shell kag isa man ka steel magazine nga naga-unod sang isa bala sang 12-gauge ammunition.
Ang nasambit nga warrant ang gin-isyu kag ginpermahan ni Hon. Lorencito B Diaz, Acting Executive Judge, RTC, Hall of Justice, Roxas City napetsahan Mayo 30, 2023.
Sa karon, nagapabilin sa Maayon PNP ang suspek para sa nagakaigo nga disposisyon. | Judy Ann Juare
