Ipa-idaeom makarang buean it Agosto sa maeain-eain nga mga refresher trainings at programs ro mga port employees ag security personnel it Caticlan ag Cagban ports sa Malay, Aklan.
Tuyo it insyatiba nga mas mapanami pa ro kakayahan it mga personnel sa pagtao it de kalidad nga serbisyo kamana man ro pagpanami it port management, operations ag security.
Ginaasahan nga mas magiging abala ro Cagban ag Caticlan port sa mga masunod nga dag-on bangud sa padayon nga pagluwag it mga restrictions kuntra sa pandemya./JIL B. LACSON
