Sa paghalin ni Police Lt. Col. Don Dicksie De Dios bilang hepe it Malay Municipal Police Station, ginhambae imaw it anang mga personnel bilang “Pinakabest” “Longest COP of Malay” “Snappy”.
Base sa Malay MPS, kay De Dios nanda nga na-eksperiensyahan ro maabung unang eksperiensya sa idaeum it pagpamuno kara bilang andang hepe.
Si De Dios ro makabig nga longest serving chief of police it Malay bangud nagbuhay raya it 2 taon, 5 buean ag 21 diyas nga tour of duty.
Ginpasaeamatan si De Dios it Local government of Malay ag LGU Malay Tourism Office bangud sa pinasahe segun kara nga serbisyo ag pagsiguro sa kaeuwasan ag seguridad sa isla it Boracay ag ku bilog nga banwa it Malay.
Si Col. De Dios nga gin-assign eon sa Police Community Affairs and Development Group (PCADG), hay ginbuslan ni Police Lt. Col. Daines Amuguis, bilang bag ong hepe makarun it Malay MPS. // ANN DESLENE SALAZAR
