LEGAZPI CITY – Marami rami rin ang nagpabakuna sa Albay Astrodome sa ikalawang araw ng bayanihan bakunahan ng National Vaccination Day.
Ayon kay Dr Estela Zenieth, ang head ng Provincial Health Office sa nasabing lalawigan, inaasahan ng mga ito na darating o magpapabakuna sa lugar ay mahigit kumulang sa 20K katao magmula sa 12 anyos pataas.
Katulong rin ng mga ito sa pagbabakuna ang mga volunteers tulad ng Albay Medical Society, Nurses Association Albay Chapter, PNP, AFP at iba pang sektors.
Hindi lang ang nabanggit na lugar ang nagkakaroon ng pagbabakuna sa mga nasabing edad maging ang 15 munisipyo at tatlong lungsod sa Albay ay nagsasagawa rin ng kanilang pagbabakuna.
Kahapon sa unang araw ng National Vaccination day sa bansa nakapagtala ng mahigit sa 20K individual ang nagbakuna sa lalawigan ng Albay.
Sinabi ng opisyal, ninanais rin nito na bago magtapos ang taon 2021 ay makuha ang target population o heird immunity laban sa sakit na covid 19.
