Umaabot sa 670 magsasaka sa lungsod ng Ligao, Albay ang nabigyan ng karagdagang kabuhayan sa pamamagitan ng Tulong Panghanapbuhay sa Ating Disadvantaged/Displaced Workers o TUPAD program.
Ayon kay Shaira Mae Cabredo, chief political affairs officer ni Albay 3rd District Rep. Fernando Cabredo, ang TUPAD ay proyekto ng national government sa pamamagitan ng Department of Labor and Employment (DOLE) at ipinatupad sa nasabing lungsod.
Bawat benepisyaryo ay magtatrabaho sa loob ng 10 araw sa kanilang komunidad, kung saan sila ay tatanggap ng PHP3,650.
Ang mga benepisyaryo ay pinili sa mga miyembro ng iba’t ibang mga asosasyon ng irigasyon na nagmumula sa iba’t ibang nayon sa ikatlong distrito.
Dagdag pa nito, binigyan ng 30 slots bawat barangay at magsisimula sila ng kanilang pagtatrabaho sa Miyerkules at inaasahang magtatapos sa Disyembre 16, 2022.
Sinabi ng opisyal, ang mga benepisyaryo ay binigyan ng briefing tungkol sa kanilang mga trabaho kabilang ang patakaran, kasunduan at Covid-19 safety protocols.
