LEGAZPI CITY – Arestado an mag live-in partner sa siyudad nin Legazpi sa isinagibong Buy-bust operation kan mga operatiba kan Legazpi City Police Station kan nakalihis sanang semana.
An nasambit na mga suspek naarestar sa Purok 1, Brgy. 32-San Roque, Legazpi City kun sain an mga ini nag-iistar.
Segun sa report, bandang 5:03 nin hapon kan arestaron an duwang suspek na pigbistong sinda alyas “leonel”, 37-anyos, kaibahan sa listahan kan mga Drug Watchlisted Personality-SLI asin an saiyang live-in partner na si alyas “Verna” 35-anyos, parehong residente kam nasambit na brgy. asin siyudad.
Nakumpiskar sa mga ini an tulong (3) sachet nin pinagtutubudang shabu na may pigkakarkulong timbang na poco mas omenos 5.3 grams asin igwa nin Standard Drug Price na P36,040, kaiba an P7,500 na buy-bust money asin iba pang non-drug items.
Segun sa nasambit na hepatura, an pagkakaarestar subuot sa mga suspek, sarong dakulang kabawasan para mapugolan an palakop nin iligal na droga sa nasambit na siyudad.
Nahahampang ngonian an nasambit na mga suspek sa kasong pagbalgar sa RA 9165 o mas midbid bilang Comprehensive Dangerous Drugs Act of 2002. Presente nang nagtitinir an mga suspek sa Legazpi CPS para sa magkakanigong disposisyon.
