Nina sa maeain-eain nga parte it kaeawasan ro naangkun it mag-asawang Indian nationals katsumalpok sa kotse ro andang ginasakyan nga motorsiklo sa Brgy. Camangay, Leganes, Iloilo.
Ginkilaea ro mga biktima nga kanday Surjit Singh Sidhu, 40-anyos, driver it motorsiklo ag angkas nana nga si Harpreet Sidhu, 29-anyos. ]
Samtang ginkilaea man ro driver it kotse nga si Cerone Elevera, 47-anyos, it Q. Abeto St., Mandurriao, Iloilo.
Base sa Leganes Municipal Police Station, may ginasundan nga truck ro motorsiklo pero kat paliko eun raya sa parte it intersection it Brgy. Camangay, Leganes, Iloilo, bumangga raya sa kasubeang nga saeakyan ni Elevera.
Sa padayon nga nagapabueong ro mag-asawa sa ospital samtang sa kustodiya man it Leganes Police Station si Elevera./JIL B. LACSON
