Namayagpag ang mag-amang sina Davao City Mayor Sara Duterte-Carpio at Pangulong Rodrigo Duterte sa isinagawang “independent” presidential at vice presidential survey.
Sa inilabas na resulta ng RP-Mission and Development Foundation Inc. (RPMDinc) sa kanilang isinagawang survey, nanguna si Duterte-Carpio sa 10 iba pang potensyal na presidential candidates.
Nakakuha si Mayor Sara ng 32.25-percent preference rating.
Sumunod kay Mayor Sarah si Manila Mayor Francisco “Isko Moreno” Domagoso (14.21 percent), Sen. Emmanuel “Manny” Pacquiao (11.95 percent), former senator Ferdinand “Bongbong” Marcos Jr. (11.20 percent), Sen. Mary Grace Poe (7.62 percent), Vice President Maria Leonor “Leni” Robredo (6.51 percent), Sen. Christopher Lawrence “Bong” Go (4.66 percent), former speaker Alan Peter Cayetano (3.46 percent), Sen. Panfilo Lacson (3.40 percent), former senator Antonio Trillanes 4th (1.06 percent) at Sen. Richard Gordon (.50 percent).
Si Pangulong Duterte naman ang top choice bilang vice president na nakakuha ng 21.81-percent preference rating.
Sinundan naman si Pangulong Duterte nina Mayor Moreno (15.25 percent), Marcos (10.94 percent), Pacquiao (10.72 percent), Senate President Vicente Sotto (8.57 percent), Cayetano (8.55 percent), Go (6.48 percent), Sorsogon Gov. Francis Escudero (5.86 percent), Sen. Sherwin Gatchalian (3.49 percent), Sen. Juan Edgardo Angara (3.42 percent) and Trillanes (1.92 percent) habang 2.9 percent ang undecided.
Ayon sa RPMDinc, isinagawa ang survey mula August 1 hanggang 19 kung saan mayroong 10,000 respondents na pawang mga rehistradong botante.
Pinasagot ang mga respondent sa tanong na “Sino ang iyong iboboto kung ang eleksyon ay magaganap na ngayon?”.
Si Duterte-Carpio ay nakakuha ng highest voter preference sa Mindanao na 60.17 percent, sumunod ang Visayas (25.11 percent) at Luzon (21.35 percent).
Si Pangulong Duterte naman ay nakakuha ng 37.47 percent sa Mindanao, 17.62 percent sa Visayas at 16.85 percent sa Mindanao.
