Gin reklamo it tiyo it sangka Grade IV pupil ru classroom Adviser matapos hambaeann it maea-in nga mga tinaga nga nakakasakit sa baeatyagon it unga.
Suno kay Mr. Albert Andrade sa interview it BRIGADA News FM Kalibo, tiyo it unga, indi gusto nga magbalik sa eskwelahan ru anang gumankon dahil gina hadlok sa anang maestra.
Gin reklamo man sa teacher ru pag-dali-dali sa mga unga samtang naga kaon it baeon sa recess time sa sueod eamang it 15 minutos.
Gin adtunan na sigun ru school principal para ipaabot ru pag reklamo kaso uwa man it presensya’t principal rason nga gin kompronta nalang ru adviser it anang gumankon.
Nasayuran nga may warning eon ru maestra dahil sa gina himo sa mga inunga sa sueod it klase sa nasambit nga eskwelahan.
Indi sigun magsugot ru tiyo nga tapan-tapanon eamamng ru nasambit nga problema rason nga nagreklamo sa New Washington MPS.
Samtang, nagpabulig man imaw sigun sa BRIGADA News FM Kalibo agud indi eon maparehasan ru gina himoit maestra sa iba pa pang inunga.//,MARIVIC Y. ILIN
