Target ng Local Water Utilities Administration (LWUA) na maisaayos sa loob ng 15 araw ang lahat ng water systems sa mga rehiyon na naapektuhan ng pananalasa ng Bagyong Odette.
Ayon kay LWUA administrator Guiling “Gene” Mamondiong, tinatayang nasa kalahati ng 181 na water districts sa anim na rehiyon ang naapektuha ng Odette.
Inihayag ito ni Mamondiong sa kabila ng limitado nitong manpower sa LWUA.
Umaasa naman ang opisyal na makakalikom sila ng karagdagang pondo upang madali itong makaabot sa mga probinsya na tinamaan ng bagyo.
