May alok na libreng sakay para sa single parent ang MRT3 at LRT2 bukas, April 20 bilang pagdiriwang ng Solo Parents’ Day.
Libreng makasasakay ang mga solo parent mula alas-7 hanggang alas-9 ng umaga at masusundan naman dakong alas-5 ng hapon hanggang alas-7 ng gabi.
Kinakailangan lamang magpakita ng valid solo parent’s ID sa stations personnel para ma-avail ang libreng sakay.
Layon ng libreng sakay na makapagbigay ng inspirasyon sa mga solo parent na mag-isang itinataguyod ang kanilang pamilya.