Magkakaroon ng libreng sakay ang Light Rail Transit (LRT) 1 at 2 sa June 12 bilang pagdiriwang ng 124th Independence Day ng Pilipinas.
Ayon sa Light Rail Manila Corp. (LRMC), magsisimula ang naturang serbisyo simula alas-siyete hanggang alas-nuebe ng umaga at simula alas-singko ng hapon hanggang alas-siyete ng gabi.
Maaaring gamitin ng mga pasahero ang kanilang beep card pero wala umanong mababawas dito habang ang iba naman ay kailangang kumuha ng ticket sa teller booths.
Samantala, patuloy pa din ang ginagawang libreng sakay ng ating pamahalaan sa ilang public transport na nagsimula ilang buwan bago bumaba sa pwesto ang kasalukuyang administrasyon.
(ARGIE ERGINA)
