LEGAZPI CITY – Inaresto na ng mga kapulisan ang isang Lolo dahil sa kasong paglabag sa RA 9262 o Violence Against Women and Their Children (VAWC) sa Purok 5, Brgy.
Morera bayan ng Guinobatan Kinilala ang akusado na si Alyas Florante 64 anyos residente ng Ope St., Brgy. Ilawod ng nasabing bayan.
Ayon sa report, umaga ng puntahan ng mga awtoridad ang kinaroroonan ni Florante upang isilbi sa kanya ang warrant of arrest.
Nang matagpuan ito sa nabanggit na lugar ay dito na hinuli dahil sa nasabing kaso.
Aabot sa P120K ang inirekomendang piyansa ng korte para sa kanyang pansamantalang kalayaan. Sa ngayon ang akusado ay kostudiya na ng pulisya para sa kaukulang disposisyon.
