Dead on the spot ang usa ka lolo human kini gipusil sa wala mailang mamumuno sa Barangay Ising, Carmen, Davao del Norte ning milabay’ng buyntag.
Ang biktima giila sa Carmen Municipal Police Station nga si Alfredo Bernardo, 64-anyos, residente sa nasangpit nga lugar.
Sumala pa nga igo lamang nagbaklay ang biktima sa dihang kalit mibutho ang suspek og didto kini gipusil tumong sa dughan ug ulo rason sa kamatayon niini.
Paspas misibat ang suspek padulong sa wala masutang direksiyon samtang ang lolo igo na lamang nahagba daplin sa dalan.
Padayon karon ang imbestigayon sa kapolisan sa nasangpit krimen aron maila ang suspek. BNFM-Davao
