Nagpapatuloy ang ginagawang paghahanda ng Lokal na Pamahalaan ng Bacolor, Pampanga para sa nalalapit na laro ng Philippine Basketball Association o PBA.
Gaganapin kasi ang natitirang laro ng PBA sa nasabing bayan partikular sa pasilidad ng Don Honorio Ventura State University o DHVSU.
Ayon kay Mayor Diman Datu, all set na ang gagamiting venue gayundin ang mga hotel na tutuluyan ng mga manlalaro.
Kaugnay nito tiniyak ng Bacolor na dadaan sa tamang proseso ang gagawing laro at sasailalim sa swab test ang lahat ng mga manlalaro gayundin ang mga coaching staff at iba pang PBA personnel.
Samantala, inaasahang magsisimula ang nasabing event sa September 1.
