Nagpatigayon sang pagsinapol ang League of Municipalities of the Philippines (LMP) Capiz Chapter sa Hotel Veronica para mas mapabaskog ang pag-organisar sang province wide health system integration.
Isa sa nangin sentro sang sinapol ang pagpirma sang memorandum of agreement for inter-local government unit cooperation towards organized province wide health system integration.
Tinutuyo sang nasambit nga pagtililipon kag moa ang organisado kag pare-pareho nga sistema sang serbisyo medikal sa mga LGU sa bug-os nga probinsya.
Nagtambong sa nasambit nga kahiwatan sanday Governor Fredenil Castro, mga alkalde sa 16 ka kabanwahanan sa pagpanguna ni LMP President Mayor Mon-Mon Malapajo kaupod si PHO II, Dr. Alex Nolasco.