Altavas, aklan—Nag-angkon it paso ag kasamaran nga kaeawasan it live-in partner matapos martilyuhon, bogbogin ag uwa pa nakontento hay binuhusan pa it mainit nga tubi dahil sa selos sa Brgy. Catmon, Altavas, Aklan.
Sa report, sangka 32 anyos ru biktima nga taga-Sigma,Capiz samtang, 42 anyos man ru suspek nga residente Brgy. Catmon,Altavs,Aklan.
Suno sa biktima, may pilang besis eon sigun nga gina himo it anang live-in partner rason nga nagdecision nga magpasaka it kaso kontra sa anang live-in partner.
Naka taeanang iga inquest ag iga kulong sa Aklan Rehabilitation Center (ARC) ru suspek.
Hilong sigun nga nag-uli ru suspek sa andang panimaeay ag gin usoy ru biktima hasta nag-angkon it saeabtanan hasta nauli sa bogbogan.
Sa makaron hay naka confine sa hospital ru biktima ag kulong sa Altavas MPS ru live-in partner nga suspek
Nasayuran nga naga-abot eon sa daywang dag-on ru pagkilita it mag live-in partner matapos magka kilaea sa Metro Manila.//MARIVIC Y. ILIN
