Hindi pa tumatagas ang 1.4million liters na langis na dala-dala ng lumubog na MT Terra Nova.
Ito ang kinumpirma ni Limay, Bataan Mayor Nelson David sa isang panayam.
Aniya, lumabas sa nagpapatuloy na pagsisiyasat ng Philippine Coast Guard (PCG) na nasa 500 lieters pa lang daw ang tumagas na langis.
Ibig-sabihin, ito ay ‘yung langis na nagmula mismo sa barko, at ‘intact’ pa rin ang karga-karga nitong industrial fuel oil.
Sa ngayon, umaasa silang maaagapan ito nang sa gayon ay hindi na lumabas ang kargang langis ng tanker, at hindi na ito makapinsala pa sa karagatan.
