Ubay-ubay na ang nakabenipisyo sa Libreng Sakay para sa Healthcare Workers ug APOR sa tibuok Davao Region sukad sa pagsugod niadtong Septyember 1, 2021.
Subay sa report sa Land Transportation Franchising and Regulatory-XI, mokabat na sa 45,968 ang nakabenipisyo sa 88 ka mga bus units nga adunay 20 ka mga rota.
Ang Libreng Sakay alang sa mga healthcare workers ug authorized persons outside residence (APOR) nagdagan sa Davao City, Davao del Sur, Davao del Norte ug Davao Occidental.
Daghang mga ospital ang magi-an ug destinasyon apil na ang dagkong mga ospital sama sa Southern Philippines Medical Center (SPMC-Davao City), Davao Regional Medical Center (DRMC-Tagum) ug Davao del Sur Provincial Hospital.
Kahinumduman nga 7 ka mga operators ang nahimong partners karon sa Phase 2 sa programa. Adunay 238 na ka mga drivers nga nakabenipisyo ug nasiguro ang pangita. Kini human nakasinati og kalisod sa limitadong byahe tungod sa pandemya.
Ang Libreng Sakay usa lamang sa 2 ka klaseng aktibidad diha ilalom sa PUV Service Contracting Program. Ang Service Contracting Program usa ka programa pang gobyerno isip tubag-tabang sa crisis nga nasinati sa transportation sector tungod sa pandemya. Kini ilalom sa General Appropriations Act o 2021.
