LEGAZPI CITY – Saro pa sa mga nakagawigan kan nagkapirang mga botante asin mga kandidato orog na sa mga bara-barangay an libreng sakay hale sa mismong aldaw kan eleksyon.
Alagad dai na ini pwede ngunyan huli ta mas mahigot na an Commission on Elections (COMELEC) pag-abot sa mga regulasyon.
Segun kay COMELEC Bicol Regional Director Atty. Ma. Juana Valeza, an libreng sakay, dai ninda na tutugutan huli ta maikokonsiderar na ninda ining vote buying.
Nagbabarantayan na kaya su boot ngunyan sin madali nalang ini maireport sa saindang opisina sa tabang kan social media asin QR code.
Apwera digdi, katuwang man ninda an mga kapulisan.
Mientrastanto, an mga kandidato man, dae pigtutugutang magtenir ki haloy sa polling precincts.
Sinabi ni Valeza, makalihis sindang makaboto, dapat dai na sinda makipag-abrasahan sa mga botante o kaya makipag-ulay na gari nangangampanya ta pwedesir sindang marekord.
Magpailing sana nin natural na pakikitungo, alagad dai na makipag-abrasahan.
