LEGAZPI CITY – Nganing makatabang asin makapagtao nin serbisyo sa mga tawo sa nagpapadagos na nationwide transport strike, nag-opresir an manlain-lain na mga opisina nin libreng sakay para sa mga empleyadong apektado kaini partikularmente sa probinsya kan Albay.
Saro digdi an gobyerno-probinsyal na pinangenotan kan Albay Public Safety and Emergency Management Office (APSEMO) – Provincial Disaster Risk Reduction and Management Office (PDRRMO).
Dugang pa digdi, nag-opresir man an Philippine National Police (PNP) Regional Office 5 nin libreng sakay pati man an nagkapirang mga hepatura sa probinsya.
Mientrastanto, sa ngunyan suspendido man liwat an klase durante kan transport strike asin sa epekto kan shear line.
