Posibleng mawad-an og trabahon karong 2024 ang kapin sa usa ka libo ka mga kawani sa Cebu City Hall.
Kini ang gikumpirmar mismo ni Cebu City Mayor Michael Rama, uban sa pagtaho nga sa umaabot nga 2025, anaa nalang sa 3,000 gikan sa kapin 9,000 ka mga empleyado ang mahabilin sa City Hall.
Sa pagkakaron, gisugdan na sa kagamhanan sa dakbayan ang pagproseso sa rightsizing sa mga trabahante.
Hinuon, gipasalig sa Mayor nga dili niya pasagdan ang mga mawagtangan og trabaho gani, makig-alayon sila sa Department of Manpower Development and Placement.
Kini ang mangita og mga kompaniya nga maoy modawat ug mga bag-ong kawani nga gikan sa City Hall.
