MISAKA na 63 ang ihap sa fireworks- related injuries sa Soccsksargen region human sa pagsaulog sa bag-ong tuig. Epektibo gihapon ang kampanya sa gobyerno batok iligal nga pabuto, luyo sa pagsaka sa fireworks –related injuries sa rehiyon.
Pahimangno sa gobyerno ang usa sa rason sa kahadlok ni Eric Ramos, residente sa Alabel, Sarangani province nga mogamit og fireworks atong Pasko ug pagsugat sa bag-ong tuig. Sa bahin ni Jenny Ventura, Iwas paputok campaign focal person sa Department of Health (DOH) SarGen, luyo sa pagsaka og 133% sa ihap karong tuiga tandi sa 27 ka kaso atong 2023 sa susamang panahon.
Base sa ilang assessment,nahimong epektibo ang multi- agency information campaign sa gobyerno batok illegal firecrackers. Dugang ni Ventura, nahimong ‘satisfactory’ ang kampanya tungod kini ang unang tuig sa pagtanggal sa state of emergency status sa Covid-19 sa nasud. Atol sa maong status, gilimitahan ang mga public gathering nga miresulta sa ubos nga number sa nakaangkon og injuries.
Sa maong ihap sa injury, dunay napulo ang nakaangkon og samad sa mata, nakaangkon og samad sa nagkadaiyang bahin sa lawas. Sagad usab sa gigamit nga pabuto sa nabuthan mao ang legal nga pabuto sama sa kwitis samtang dunay 31 ka nasamad ang migamit og iligal nga pabuto sama sa 5-star, boga ug triangle.
Nakarekord og labing daghang insidente mao ang South Cotabato nga dunay 31; Cotabato province 15; Sultan Kudarat siyam; upat sa Sarangani ug upat sa GenSan. I Richel Gubalani
