Mas ginpasangkad nga pagproteher kag pag-promote sa kinamatarong sang mga Overseas Filipino Workers (OFW) kun ngaa nakabaton sang pagkilala ang LGU Tapaz nagikan sa Overseas Workers Welfare Administration (OWWA) Region VI sang nakaligad nga Hunyo 7, 2024 sa Iloilo City.
Suno kay Mr. Stephen Faeldin, Information officer-designate kag PESO Manager sang LGU Tapaz, ginpahayag sini nga nagapasalamat ang lokal nga gobyerno sa OWWA sa ginhatag nga prestihiyoso nga award, pamatood sang ‘proof of commitment’ sa mga Tapaznons nga nagatrabaho sa luwas sang pungsod kag sa ila pamilya.
Dugang pa sini, pinaagi sa comprehensive support kag nagkalain-lain nga programa nga ginapatuman sang banwa ginapasiguro nga mahatag sang mga OFW’s kag sa ila pamilya ang mga kinahanglanon.| Ken Mark Gicalde
