Maliban sa Boracay Beach Party, ginapahauman eonman it LGU-Malay ro para sa20th League of Municipal Agriculture Officers.
Nagapahaum man ro LGU Malay para sa 2nd International Beach Tennis Tournament 2024, Boracay Open International Frisbee Tournament, ag maabu pang events.
Nasayuran nga amat-amat eon nga nagabalik ro pagpatigayun it mga parties sa isla it Boracay.
Ku Marso 9 hay ginpatigayun ro Boracay Beach Party sa beach front nga nag umpisa it alas 6 it gabii hasta alas 4 it kaaganhun.
Pero bag o ro nasambit nga beach party, hapon paeang it Marso 8 hay nagpatigayun eon it send-off ceremony ag debriefing sa tanan nga security ag safety forces para masiguro ro safety it tanan nga naki-party.
Samtang, ginapahauman man it Malay PNP ro nagahilapit nga Holy Week kung siin, paga eauman ro mas maabung turista nga maga bakasyun sa isla. // ANN DESLENE SALAZAR
