Gin umpisahan eon it LGU Kalibo ro pagpamutos it mga school supplies ag bag nga igapanupod sa mga inunga nga Kalibonhon.
Kapin sa 3,000 pieces nga bag nga may sueod nga notebooks, papel, krayola, lapis, sharpener ag ruler para sa mga inunga nga gahandom nga makaeskwela ag naga kalisod ro andang mga ginikanan nga indi kayang maka bakae it mga gamit pang eskuyla.
Sa masunod nga domingo eon igahatud sa 16 nga kabarangayan rong bulig it LGU Kalibo pinaagi sa local school board fund para sa mga inungang Kalibonhon. // ANN DESLENE SALAZAR
