LEGAZPI CITY – Nagkondusir nin kick-off ceremony an Legazpi City Veterinary Office para sa Livelihood Training Program of HELP o Hope for Especial Children Livelihood Program.
Segun kay City Veterinarian Dr. Emmanuel Estipona, katuwang ninda an LGU sa paglunsar kan programa manungod sa pagtatao nin trabaho sa mga special parent.
Sa programang ini, matatawan ki libreng livelihood training an mga magurang nganing may trabaho sinda dawa nasa laog sana kan harong.
Tutukduan an mga ini sa paggibo nin floor mat, meat processing asin kadakol pang iba na pwedesir pagkakitaan sa uroaldaw.
Apwera su boot sa training, tatawan man ki PHP20,000 na kantidad ki tabang-pinasyal an mga pamilyang isasairarom sa validation para sa pagpuon ki negosyo.
