LEGAZPI CITY – Dakol nang mga taga-Legazpi City an nagrereklamo asin naghaharapot kun pigtutugutan talaga an pagbugtak nin tolda asin mga barikada sa luwas kan St. Jude Thaddeus Parish sa Brgy. Lapu-lapu kan nasambit na syudad.
Kun maoobserbaran kaya, naka-locate an simbahan sa gilid mismo kan tinampo kan nasambit na barangay, kun sain, pag nagkakaigwa nin misa, laoman na an trapiko huli ta igwa nin tolda sa gilid na nagpapiot sa tinampo.
Sa intrevista kan Brigada News FM Legazpi kay City Task Force head Mark Andy Marbella, sinabi niya na an pagbugtak ki tolda asin barikada sa nasambit na lugar, nakakasabay sa obstruction.
Pwedesir su boot nindang ikondosir an pagbugtak kaini bilang pagrespetar sa simbahan asin sa mga nagsisimba, alagad siyertuhon na pagkatapos kan misa, halion tulos nganing makabwelong maray an mga tawo asin an mga behikulo.
Pagiromdom ni Marbella an padagos na pag-iingat kan mga pedestrian siring man sa mga nagda-drive nin lunadan orog na ngunyan na kadakol an mga pagtiripon nganing wara nin mga madadanyaran.
Kun magigiromduman kan nakalihis na Domingo, sarong 24 anyos na lalaking nakalunad sa motor asin nagsisirong sa tolda kan nasambit na simbahan an nasagi ki sarong pick-up.
Lugadan ini na tulos man niresponderan. Napag-araman man na nasa impluwensya nin arak an driver kan pick-up.
