LEGAZPI CITY – Hasta sa ngunyan, nagpapadagos pa an imbestigasyon kan Legazpi City PNP Women and Children Protection Desk (WCPD) dapit sa nakuang gadan na umboy sa gilid kan kadagatang sakop kan Brgy. Rawis kan nasambit na syudad.
Dai pa kaya ngunyan naaidentipikar kun sisay an may kagibo o nagwalat kaini sa gilid kan dagat.
Oras na maidentipikar kan mga otoridad an responsable sa insidente, tulos ninda ining sasangatan nin maninigong kaso.
Marurumduman, sarong lalaki kaiba an duwang menor de edad na mga aki an nakadiskubre sa umboy na nagpapataw-pataw su boot sa dagat mantang sinda nagkakarigos.
Tulos ninda ining inireport sa mga otoridad nganing responderan.
