LEGAZPI CITY – An syudad nin Legazpi an nangenot sa may pinakadakol na nairehistrong road crash incidents sa probinsyan kan Albay puon kan bulan nin Enero sundo Setyembre ngunyan na taon 2023.
Sa datos kan Land Transportation Office (LTO) Bicol, an Legazpi igwa nin nairehistrong 757 na road crash incidents, kung saen 571 digdi an road crash resulting to damage to property, 8 an casualty asin 178 road crash incident resulting to physical injury.
Sinundan ini kan Daraga na may 540 road crash incidents, parehong 235 sa Guinobatan asin Ligao City, Camalig na may 137 asin Tabaco City na igwa nin 102.
Mientras, pinakadakol na casualty sa Legazpi City, sinundan kan Guinobatan na igwang 7, Ligao City na may 5, Daraga na may 4 asin Tabaco na may 3.
