LEGAZPI-Sa oras na makatukaw na bilang bagong gobernador kan Albay sa bulan kan hulyo, pig asigurar ni outgoing Mayor Noel Rosal na pupunan niya tulos an mga programang mamamatean kan mga Albayano.
Sa saiyang halipot na mensahe, sinabi kaini, an mga napunan niya na programa sa syudad kan Legazpi an iaadaptar sa bilog na probinsya kan Albay asin dadagdagan ngareg maabot an mga albayanong nakukulangan sa serbisyo.
Nakatabang man su boot an saiyang paglibot libot sa probinsya sa oras kan karampanyahan nin huli ta, naaraman niya an mga mayormenteng kaipuhanun na tutukan asin tabang sa mga kahimanwa.
Siring man, nakaplano na an gabos asin naghahalat n asana ini sa saiyang pagtukaw.
Kun marurumduman, saro sa pig aabangan kan mga albayano na tutukan ni Rosal iyo an health care, pangkabuhayan, mga social services, tabang sa mga barangay officials asin problema sa kuryente asin iba pa.
Hagad man kaini sa mga albayano na maging sararonin huli ta tapos na an eleksyon.
