LEGAZPI CITY – Amay na nag-andam an Legazpi City Disaster Risk Reduction and Management Office (CDRRMO) dapit sa Bagyong “Egay”.
Sa intrevista kan Brigada News FM Legzpi kay CDRRMO head Miladee Azur, pigsabi niya na kan tropical depression pa sana an bagyo, nakagibo na sinda nin pre-disaster risk assessment sa 70 mga barangay asin sa iba pang miyembros kan City Disaster and Climate Change Resilience Council.
Segun saiya, pigbalikan ninda an mga barangay na igwa nin potensyal na impacts kan bagyo – nagpepreparar sainda sa mga posibleng epekto kaini siring kan mga pagbaha, pagrasay ki daga kawsa kan mga pag-uran, storm surge asin lahar flows.
Kan nakalihis na Biyernes, nagpuon naman su boot sinda sa pag-monitor kan rainfall records nganing makapagpreparar sa mga epekto.
Mientrastanto, pig-alerto naman ni Azur an limang Mayon barangay partikularmente an Mabinit, Bonga, Matanag, Buyoan asin Padang, pati na an northern barangays na pwedesir maapektaran kan lahar.
